Mesta AS skal skifte ut dårlege masser og øydelagde stikkrenner på Rustvegen ved Vinstra og fylkesvegen mellom Toftemo og Dombfoss i Dovre. (Illustrasjonsbilete frå liknende tiltak på fv. 254 i 2021.)
Kristian Skjellerudsveen
Arbeidet tek til måndag 5. juni og varer fram til ca. 17. juli.
Punktvise utbetringar
Entreprenøren som arbeider for fylkeskommunen skal skifte ut dårlege masser på svake punkt og skifte stikkrenner på dei to fylkesvegane.
På punkta der entreprenøren skifter ut masser, blir dekket lappa i år, medan heile strekningen blir asfaltert neste år.
Konsekvensar for trafikken
I Nord-Fron blir det vegarbeid på fylkesveg 2532 Rustvegen. Trafikken blir lysregulert på strekningen der entreprenøren arbeider.
Fylkesveg 2662 mellom Toftemo og Dombfoss i Dovre kommune blir stengd om kvelden og natta frå klokka 18 til 06 dagen etter, der entreprenøren arbeider. Dette skjer natt til tysdag, onsdag, torsdag og fredag.
Fylkeskommunen har sett av nesten 12 millionar kroner til vedlikehaldet på Rustvegen og rundt 10 millionar til fylkesvegen i Dovre.