Vegard Larsen

Konferansen i år har tittelen Drivkraft og NRK-mannen Vegard Larsen har i over 600 intervju, med ulike personlegdomar, samtala om nettopp dette temaet.

På lista over intervjuobjekt har han blant andre Jonas Gahr Støre, Erna Solberg, Liv Ullmann, Therese Johaug, Stellan Skarsgård og Anne Holt.

Kva har han lært? Kva kjenneteiknar folk med drivkraft? Og korleis få eit klårare forhold til kva som driv ein sjølv?

- Overraskende mange reflekterer ikke over egen drivkraft. Jeg tror det er sunt å tenke gjennom hvorfor man faktisk gjør som man gjør her i livet, sier Larsen.

Even Aleksander Hagen

Etter fleire år som fylkesordførar i Oppland og Innlandet, vart Hagen utnemnd til statssekretær for Kultur- og likestillingsminister Lubna Jaffery frå og med 28. juni 2023.

Det er fleire i Innlandet som har ein relasjon til Even Aleksander Hagen og som saman med han har utvikla institusjonar og lagt planar. No har han ei ny rolle og kjem til fylkeskulturkonferansen som representant for staten og regjeringa.

Hagen tek del i byrjinga av dag ein og vil svare på spørsmål frå salen.

Maja Leonardsen Musum

Sjølv om Maja Leonardsen Musum har jobba i museum i ti år, forstår ho framleis ikkje heilt kva eit museum er. Gjennom eksperimentelt arbeid med samtidskunst, folkemuseum, folkedrakter og kulturarv utforskar ho korleis og kvifor kulturlivet bør planlegge for uvisse, kaos og sårbarheit.

Maja kjem til fylkeskulturkonferansen med foredraget "Med kaos som drivkraft".

Musum jobbar på Randsfjordmuseet, ho er kurator for Nasjonalmuseets utstilling Skakke Folkedrakter og styremedlem i Norsk ICOM, International Council of Museums.

Knut Storberget

Knut Storberget er utdanna advokat, har vore 16 år på Stortinget og justisminister i 6 år. No er han statsforvaltar i Innlandet. I tillegg har han nyleg leia Forsvarskommisjonen.

Storberget er oppteken av samfunnet og jobbar for å utvikle Innlandet. Han ser at kulturen har påverknad på samfunnsutvikling, bulyst og attraktivitet.

Storberget meinar at kulturen gjer liva til folk betre og at det er ein arena for inkludering og samhald. Han kjem til Fylkeskulturkonferansen for å fortelje oss om nettopp dette, kulturen si rolle i samfunnet.

Marie Nikazm Bakken

Marie Nikazm Bakken er regissør og kunstnarleg leiar på Turteatern i Stockholm. Ho er utdanna i teaterregi frå Stockholms Dramatiska Högskola, samt teatervitenskap og estetikk frå Universitetet i Oslo og ved Skolen for Samtidsdans. Bakken kjem frå Otta i Gudbrandsdalen.

I tillegg til å arbeide på teateret, driv ho med ulike prosjekt og konstellasjonar i det frie feltet og på institusjon, både i utlandet og i Norge. 

Bakken seier at arbeida hennar dei siste åra har kretsa rundt eposet og det storslåtte. Rundt korleis ein byggjer teatrale maksimalistiske univers som ekspanderar i urovekkjande takt og undersøkjer den komplekse og paradoksale verdensveven vi lev i gjennom teater, patos, løgn, slapstick, påstandar og så vidare. 

Vi får høyre om Marie sine siste og pågåande arbeid og kanskje ho vil avsløre kva som er hennar største drivkraft bak sitt kunstnarlege virke.

Knut Aastad Bråten

Knut Aastad Bråten kjem frå Fagernes og bur tidvis på Lesja. Han er utdanna kulturhistorikar, er folkemusikar, skribent, politikar, fjøskall og dagleg leiar for Valdres folkemusikk-arrangement. Som spaltist i Nationen skriv han om norsk kultur- og distriktspolitikk. Han har tidlegare vore redaktør for tidsskrifta Syn og Segn og Folkemusikk. Knut er ein av dei fremste utøvarane i landet på langeleik.

Asatad Bråten skal leie ein samtale med fire flotte kunstnarar og saman med dei snakke om kva som er drivkrafta bak sine virke og kvardagsliv. 

Andreas Martin Aanerud

Andreas Martin Aanerud er ein lidenskapleg teknolog- og produktleiar ved Microsoft. Hjarta hans bankar også for den digitale kulturen i Noreg. Med ein rik bakgrunn innan IT, media og leiing, har Aanerud sett korleis digital kultur har evolvert over tid og korleis den har forma samfunnet vårt.

Som ein brubyggjar mellom teknologi og kultur, vil han dele historia og filosofien bak The Gathering – Norges største datatreff, arrangert av KANDU - Norsk Dataungdom. Ein organisasjon som ikkje berre handlar om dataspel og nerdete gleder, men også om å byggje eit samfunn av lidenskap, kreativitet og drivkraft.

Urbane totninger

Urbane Totninger er det største sommarshowet i Noreg. Sidan premiera i 2007 har dei spelt over 800 show der meir enn 350.000 publikum har sett dei i teltet på Kapp.

Kvifor held dei på? Drivkrefter er blant anna å gjere noko positivt og skape gode opplevingar for seg sjølv og andre. Dei jaktar stadig på å forbetre seg. Det skal også vere kos, applaus og ei hyggeleg stund saman med venner både på og rundt scena. Urbane totninger har fornya revysjangeren med si blanding av standup, parodiar, musikk og teater. 

På konferansen kjem Gustav Nilsen, Lewi Bergerud og Thomas Nyland.

Olav Brostrup Müller

Olav Brostrup Müller er kultursjef i Lillehammer og har vore det sidan 2017. Bakgrunnen til Brostrup Müller er som journalist og frå forlagsverksemd.

Dette året har han vore spesielt oppteken med Den store planen - ein splitter ny kommunedelplan for kultur i Lillehammer kommune. Men, er det eigentleg mogeleg å få folk og politikarar til å bry seg om kulturfeltet? Kva har han lært og korleis har han jobba for å komme i mål? 

Vi lurer også på kvifor Olav er kultursjef i ein mellomstor by, når han klatra karrierestigen i Oslo og vart det slik han hadde tenkt? 

KVAE & BARK

KVAE & BARK er ein kunstnarduo med Karoline Sætre og Øyvind Novak Jenssen. Dei bur i Trysil der dei skapar prosjekt i krysningen mellom mat og kunst. Dei baserar arbeidet sitt på ein nær interaksjon med naturen. Dei sankar, bearbeidar og serverer forskjellige vekster og råvarer for sitt publikum. 

Ein viktig del av deira arbeid er å formidle ei glede og omsorg ovanfor naturen. Dei seier at viss fleire opplev eit samspel med og ein relasjon til naturen, vil vi lettare kunne løyse problema vi står ovanfor. 

KVAE & BARK vil presentera sitt kunstnarskap og vise korleis ein kan lage opplevingar for publikum. I dette er mat, naturopplevelse og fellesskap byggesteinane for kunstopplevingane. ​​​Dei har begge mastergrad i billedkunst.

Yvonne Andersen

Forfattar Yvonne Andersen kjem frå Eidskog. No bur ho i dei store skogar på Finnskogen. Andersen debuterte med diktsamlinga "Åpen kamuflasje".

Andersen har skrive romanseriane "Novemberbarn" og "Årringer". Ho har skrive to teatermanus i samarbeid med Teater i Glåmdal. Desse har resultert i teaterforestillingane "Gull og grønne skoger" og "Nye tider, gamle synder" basert på bokserien Årringer. 

Korleis er det å jobbe som heiltidsforfattar på Finnskogen, lurer vi på? 

Ane Ingeborg Sandnæs

Ane Ingeborg Sandnæs er dagleg leiar i Visit Kongsvingerregionen og har vore det sidan 2020. Her har ho jobba med å samle reiseliv, kultur og handel til eit felles løft for destinasjonsutvikling. Regionen har eit stort potensial med reiselivet, men spørsmålet er korleis ein skal få til ei effektiv og verksam samhandling til glede for flest mogeleg.

Å engasjere til lokal stoltheit går på tvers av næringar og er nødvendig for eit godt omdømme utad. Korleis kan reiseliv i samspel med blant anna kulturnæringa bidra til dette?

Sven Inge Sunde

I 2025 markerar Norge at det er 200 år sidan ei norskorganisert oversjøisk utvandring til Nord-Amerika vart gjort. I 1825 segla sluppen (båt) «Restauration» frå Stavanger til New York med 52 emigrantar. Anno museum - Norsk utvandrarmuseum i Stange har nasjonal prosjektleiing for jubileumsmarkeringa. 

Som administrerande direktør i Anno museum AS har Sven Inge Sunde ansvar for 29 museum i tidlegare Hedmark fylke. Musea er av forskjellig størrelse og med heilt ulike oppgåver frå nasjonale museum til lokale bygdetun.

Sunde vil fortelje om utvandrarjubileet, korleis dei driv det fram og gjer det tidsaktuelt for oss i dag. 

Ellen Anniken Næstvold Engh

Ellen Anniken Næstvold Engh har vore kulturkonsulent i nasjonalparkkommunen Folldal i cirka to år. Ho har bakgrunn frå Nasjonal turistveg Rondane og Huset Aukrust. 

Fritt på fjellet blant nasjonalparkar, reinsdyr og gamle gruver ligg ei iherdig lita bygd med ein drivande god kulturskule, to korps, to kor og masse frivilligdom. Ikkje verst for ein kommune med berre 1500 innbyggjarar. Engh vil trekke fram eit spesielt kunstprosjekt som har fått større og større plass i kulturkonsulenten sin arbeidskvardag og hjarte. Kvifor? Det får vi høyre meir om på fylkeskulturkonferansen. 

Morten Tøndel

Morten Tøndel er verksamheitsleiar for kultur og fritid i Røros kommune, eller kultursjef som mange kallar han. Dette har han vore dei siste 12 åra. Før det var han kulturhussjef på same stad. 

I ei årrekkje var Røros kommune øvst på kulturindeksen til Telemarksforskning. Ei plassering Tøndel var veldig fornøgd med. Først i år må dei sjå seg slått av Oslo kommune. 

Er det heilt tilfeldig, er det flaks, eller er det strategisk arbeid som ligg bak ei slik plassering år etter år? 

Elias Akselsen

Elias Marenius Akselsen (fødd 1947 på Årnes) er ein norsk vokalist og tradisjonsformidlar, kjent frå fleire plateutgivingar.

Akselsen tilhøyrer den nasjonale minoriteten tater (romani). Han er oldebarn av Stor-Johan og grandnevø av «Tater-Milla».

Elias Akselsen fekk i september 2023 Kulturrådets ærespris for å vere Noregs fremste formidlar av songtradisjonane til romanifolket.

Erlend Eggen

Erlend Eggen og Julie Forchhammer har stifta Klimakultur AS. Dei hjelp kulturarbeidarar, embetsverk og politikarar med å utvide den norske klimaforståinga. Dei vil og vise korleis kunst og kultutlivet kan ta ei viktig rolle i det nasjonale og internasjonale bærekraftsarbeidet. 

Eggen kjem til konferansen for å presentere guiden “En innføring i kultur og klimarettferdighet i Norge” og fortelje korleis kunst- og kulturinstitusjonar kan ta den i bruk. 

Renate Remme Øvreseth

Renate Remme Øvreseth er kultursjef i Nord-Aurdal. Ho har kulturutdanning og 13-års erfaring som biblioteksjef. 

På Fagernes har dei nyleg opna kulturarenaen Trykkeriet, som er Valdres si nye kulturstove. Her er det 900 kvadratmeter som inneheld ei scene med kapasitet på inntil 300 ståande publikumarar, fem fullt utstyrte øvingsrom, verkstad og kontor til kulturverksemder. Utandørs og i same kvartal er det ungdomshus, kostymelager, rammeverkstad, utecene med meir. Ambisjonen er stor, korleis skal dette drivast framover? 

Patrick Huse

Patrick Huse sine prosjekt stiller mange grunnleggande enkle spørsmål. Blant dei, kva nettopp natur er; korleis omgrepet vert brukt i ei rekkje samanhengar og korleis det stiller seg til «landskap».

Natur eller den delen av naturen vi kallar landskap har alltid vore eit omdreiingspunkt i Huse si kunstnarleg verksemd. Dei erfaringane, opplevingane og dei verdiane som er feldt ned i naturen i seg sjølv, er dei erfaringane han har hatt og er det han har delt med publikum gjennom aktiv utstillingsverksemd dei siste 50 åra.

Guro Skumsnes Moe

Guro Skumsnes Moe er musikar, komponist, dagleg leiar av Børsen Kulturhus, driftar eige plateselskap og er medeigar i Subversive Vibrations Distribution. I tillegg til dette eig ho verdens største bass. 

Moe er utdannet ved Universitetet i Agder og Musikkhøgskulen i Oslo. Ho bur på Tangen og har heile verda som arbeidsplass.  

Gjennom tallause kunstnarlege samarbeid og turnear med eigne band og som komponist har Moe opparbeida ei stor forståing av musikken si kraft og korleis den kan verke i samfunnet. 

Skumsnes Moe si overordna målsetting er "å røre ved mennesker». 

Jon Kristiansen

Jon Kristiansen har lang erfaring og solid kjennskap til nærings- og samfunnslivet i Innlandet. Han er utdanna siviløkonom og hadde ulike leiarstillingar innan media fram til han byrja som regiondirektør i NHO Innlandet i 2018.

Kristiansen er oppteken av at våre bedrifter tek del i eit viktig verdsmeistarskap – eit kappløp i omstilling, i teknologiutvikling og i jobbskaping. Han meiner dei store oppgåvene må skje i fellesskap og at vi saman driv kvarandre framover.  

Nicholas Sando

Nicholas Sando er produsent og dagleg leiar i Lillehammerselskapet Filmbin AS. Dei har laga spefilmar for born og unge i over 20 år, som for eksempel “Bestevenner”, “Los Bando” og som co- produsent på kinoaktuelle “Den første julen i Skomakergata” med fleire. 

Som filmprodusent er han ansvarleg for å drive filmproduksjonen framover og sikre at prosjektet blir fullført tilfredsstillande og innanfor dei gitte rammerne. Sando seier at som produsent er han ofte krafta bak i kulissane som gir prosjekta den nødvendige strukturen og styrka til å lukkast på både kreativt og økonomisk nivå. 

Lillian Løvseth 

Lillian Løvseth produserar kunstnarlege dokumentarfilmar, animasjon og live-action fiksjon for Trollfilm på Dovre og i det nyetablerte LØV Film i Lillehammer. Løvseth har si utdanning frå Lillehammer. Etter ein arbeidsperiode i Bergen, vende ho attende til Innlandet, som har verdas beste filmmiljø, seier ho sjølv. 

Løvseth føler eit stort ansvar som filmprodusent. Med film har ein stor påverknad på andre. I produsentrolla vil ho difor jobbe med filmar som på ein eller annan måte kan skape ei positiv endring i verda. 

Hanne Larsen

Hanne Larsen er filmkommisjonær i Innlandet der hovudoppgåva er å tiltrekke og leggje til rette for at større norske og internasjonale filmproduksjonar skal legge innspelinga si til Innlandet. 

Larsen har si bakgrunn frå Den Norske Filmskolen i Lillehammer og er regissør og manusforfattar. Ho har fleire TV-seriar i bagasje, ein spelefilm, samt fleire internajsonale prisar. 

Engasjementet for filmen er drivkrafta i rolla som filmkommusjonær, der feltet kultur, næring og politikk kryssast. 

Hanne Larsen skal på fylkeskulturkonferansen leie programposten “Med film på agendaen” der ho tek imot filmprodusentane Lillian Løvseth og Nicholas Sando. 

Jon Ole Olstad

Jon Ole Olstad byrja å danse som 16-åring. Han har si utdanning frå Kunsthøgskulen i Oslo. Etter utdanninga har han jobba i fleire prosjekt og kompani internasjonalt. Koreografien hans har også vore vist og presentert på ulike arenaer og konkurransar. Dette har ført til fleire internasjonale prisar. Olstad underviser også i dans. 

Jon Ole Olstad kjem til fylkeskulturkonferansen med utdrag frå produksjonen “Dancing in the wild” som vert vist på heimtraktene hans i Sel kommune. 

Kurt Ole Linn

Kurt Ole Linn har vore seksjonssjef for Kunst og kulturseksjonen i Innlandet fylkeskommune sidan mai 2022. Han er født i Haugesund (1966) og oppvaksen i Lillehammer. Han skildrar seg sjølv på følgjande måte; Lesehest som var slik passe god i fleire idrettar. utdanna historikar frå UiO (1995), med ei uferdig PhD frå Ankara Universitet (Innvandringa frå Anatolia til Skandinavia). 

Linn har jobba som lektor, historikar, diplomat og byråkrat i fleire departement, sist i Kultur- og likestillingsdepartementet. 

Kurt Ole Linn vert driven av trua på at det skapande mennesket, både som enkeltindivid og i fellesskap. Trur på kulturlivet i Innlandet der talent, ambisjonar og langsiktig og målretta arbeid står i høgsetet. 

Nora Aschim

Nora Aschinm er 24 år, lurikar og forfattar som kjem frå Hamar. Ho debuterte med diktsamlinga “Unngå øyekontakt” i 2017. Ho har master i nordisk litteratur frå Universitetet i Oslo. 

Aschim skriv dikt fordi ho har ein spesiell kjærleik til lyrikken. Nora er for tida aktuell med diktsamlinga “Norske skoger”. 

Nora vil framføre eit utdrag frå si siste bok. 

Rune Holme

Rune Holme har musikarbakgrunn og har i sitt heile vaksne liv halde på innanfor kulturlivet som frivillig, musikar, i vev og i ulike stillingar. No er han seksjonssjef for Den kulturelle skulesekken i Innlandet. 

Drivkrafta er jakta på opplevingane som endrar deg, og for Rune er det kulturen som gjer det, meir enn naturen.