Illustrasjon frå filmen Troll
Jallo Faber/Netflix
I morgon, 26. august går The Location Managers Guild International Awards (LMGI) av stabelen i Santa Monica, California. Då blir det avgjort om filmen «Troll» stikk av med den gjeve prisen.
Verdas viktigaste filmlocation-pris
«Troll», som er regissert av Roar Uthaug og produsert av Motion Blur, er nominert i kategorien «Outstanding Locations in a Contemporary Feature Film” (eineståande innspelingstader i ein moderne film).
Nokre av dei mest ikoniske scenene i filmen er spelt inn i Lom og på Hunderfossen.
– Dette er den største anerkjenninga som kan bli gitt til ein location manager og scout (ansvarleg for å finne innspelingsstadar og tilrettelegge for sjølve produksjonen under innspeling). Dette er verdas viktigaste locationpris. Det er stort at «Troll», som er spelt inn i Gudbrandsdalen, Oslo og på Vestlandet, er nominert, og at fleire av Noregs dyktigaste fagfolk på feltet reiser over for å promotere oss, seier filmkommisjonær Hanne Larsen frå Østnorsk Filmkommisjon.
-Litt kortare frå Hollywood til Hunderfossen
Filmkommisjonæren er tydeleg på kvifor ein internasjonal filmpris er viktig for Innlandet:
– Dette bli lagt merke til internasjonalt og dermed viktig for å bygge opp Innlandet som innspelingsstad. Det aukar sannsynet for at store filmproduksjonar vil undersøke moglegheiter her i regionen. Avstanden frå Hollywood til Hunderfossen blir dermed litt kortare.
Under «Snowballkonferansen» på Kvitfjell tidlegare i år, deltok Larsen saman med produsent Kristian Sinkerud og regissør på «Troll» for å snakke om filmturisme.
– Roar Uthaug sa då at sjangeren og den spektakulære naturen truleg er det som har gjort «Troll» til den mest sette «ikkje engelskspråklege» filmen på Netflix i fjor. Den ser storslått ut, med den fantastiske norske naturen. Det er eksotisk og den er bygd på norrøn mytologi. Det er populært ute i verda.
Filmkommisjonær i Innlandet, Hanne Larsen, Regissør Roar Uthaug, produsent Kristian Sinkerud. Her under Snowball-konferansen 2023 i Kvitfjell der dei snakka om filmturisme.
Visit Lillehammer/Snowballkonferansen
Bra for Noreg og bra for Innlandet
I tillegg til filmen "Troll", er TV-serien "Succession" med scener frå Vestlandet, nominert i kategorien "Outstanding locations in a Contemporary Television Series".
– Dette er heilt fantastisk. Alt som kan marknadsføre Noreg som innspelingsstad er bra for Noreg og bra for Innlandet på sikt, avluttar filmkommisjonæren.
Fakta om «Troll»
- Norsk action- og eventyrfilm, som er spelt inn i Lom, Hunderfossen, Vestlandet og Oslo
- Lansert: 1. desember 2022 på Netflix
- Regi: Roar Uthaug
- Produsent: Motion Blur
- Manus: Espen Aukan/Roar Uthaug
- Supervising Location Manager/scout: Audun Skarbøvik
- Location Manager/scout: Leo Resnes
- Location Scout: Espen Rudi
Har du spørsmål?
Ta kontakt med Filmkommisjonær for Østnorsk Filmkommisjon, Hanne Larsen på telefon 979 66 954 eller e-post hanne.larsen@innlandetfylke.no.