Mostphotos

Ordninga har som føremål å styrke og løfte barne- og ungdomskulturfeltet ved å gi økonomisk stønad til kunstnarisk aktivitet med eit regionalt nedslagsfelt. 

Prioritert målgruppe er arrangørar som utviklar og gjennomfører kunstnarisk aktivitet for og med barn og ungdom i Innlandet. 

– Kultur er med på å forme barn og unge til nytenkande, kritiske og engasjerte menneske. Dei skal ha moglegheiter for sosiale møteplassar som stimulerer til meistring, skaparglede og tilhøyrsel, seier leiar for hovudutval for kultur, Tom Svellet (Ap). 

Attraktive lokalsamfunn i heile Innlandet

Han er oppteken av at ungdom skal ha gode levekår, utviklingsmoglegheiter, arenaer og attraktive lokalsamfunn i heile Innlandet .  

– Ein god, aktiv og trygg oppvekst i Innlandet er viktig for utvikling, tilhøyrsel, reiselyst og tilbakeflytting til regionen, seier Svellet.

To tildelingsrunder

Det er sett av 1 550 000 kroner til tilskot til kulturaktivitetar for barn og ungdom i 2024. Ordninga har to tildelingsrunder per år. I første runde med søknadsfrist 1. november 2023 blei det løyva 935 000 kroner. 

I 2. søknadsrunde er det 19 ulike tiltak som har fått tildelt midlar av det gjenståande beløpet på 615 000 kroner.  Saka vart einstemmig vedteken i hovudutval for kultur onsdag 26. juni. 

Desse har fått tilskot: