1,8 millionar til verneverdige bygg og anlegg

Hovudutval for kultur har løyvd midlane til 23 ulike prosjekt i Innlandet. 

Gamle bygninger med gras på taket ved eit vatn. - Klikk for stort bildeIllustrasjonsbilde Unni Tveiten Grøtberg, Innlandet fylkeskommune.

Innlandet fylkeskommune ønsker med desse tilskota at fleire bygningar og anlegg, også dei utan formell vernestatus, kan bli tekne vare på for framtida. 

Sjølv om fylkeskommunen bidreg med forholdsvis små tilskot til dei fleste av prosjekta, vil tilskotet likevel vere viktig for å utløyse tilskot frå andre eksterne bidragsytarar, og istandsettingsprosjekta gagnar lokalt næringsliv. 

Mange av bygningane brukast i næring, som landbruk, turisme og friluftsliv.

Desse har fått tilskot:

Verneverdig bygg - tilskot 2025
Kommune Prosjekt Tilsegn
Åsnes Bjertnes, kjellarbu 60 000
Elverum Søndre Strand, gamle våningshuset 25 000
Åsnes Sundet, bu 45 000
Engerdal Vestre Sorken, våningshus 50 000
Engerdal Storbekken, fjøs 75 000
Våler Nedre Halberget, låve 90 000
Nord-Fron Krok, kvernhus 90 000
Eidskog Oppistun Børli, fjøs og låve 120 000
Østre Toten Østre Kvem, våningshus 70 000
Sør-Fron Nordre Eldålia seter, sel 55 000
Åmot Serberhuset 45 000
Lesja Skreabakken, husmannsstue 100 000
Gjøvik Snartumssveum, husmannsstue 100 000
Kongsvinger Herdahlsgården 50 000
Tynset Frydenlund, Auma, taterhus 150 000
Sør-Aurdal Etna stasjon, vokterbolig 80 000
Øystre Slidre Røysestogo 70 000
Vågå Gamle Vågåbue 100 000
Rendalen Handelsstedet   Aasheim 90 000
Kongsvinger Steinreisberget, smie 45 000
Nord-Aurdal Steinde, «kapteinsbygningen» 50 000
Gjøvik Tidlegare tremassefabrikk, fyrhuset 140 000
Stor-Elvdal Koppangshammeren, barfrøstue 100 000
    1 800 000

Innstillinga vart einstemmig vedteken. 

Kom inn 50 søknadar

Søknadsfristen til Innlandet fylkeskommune var 1. november 2024, og det kom inn 50 søknadar med ein samla søknadssum på om lag 7,6 millionar kroner. 

Her kan du lese sakspapira PS 5/2025.

Publisert av Leila Øvreseth
Sist endret 22.01.2025 12.39